Qeveria në detyrë emëron bordin e drejtorëve të ndërmarrjes “Kompania Rajonale e Ujësjellësit Hidroregjioni Jugor Sh. A”

11:11 | 16 Prill 2025
E.G

Qeveria në detyrë e Kosovës ka miratuar sot propozim-vendimin për emërimin e Bordit të Drejtorëve të Ndërmarrjes Publike “Kompania Rajonale e Ujësjellësit Hidroregjioni Jugor Sh. A”, me seli në Prizren.

Kryeministri në dorëheqje, Albin Kurti, bëri të ditur emrat e katër anëtarëve të rinj të bordit, pasi procesi i përzgjedhjes është përmbyllur, shkruan Arbresh.info.

“Tani pas kompletimit të procesit, listën prej katër emrave për anëtarë të bordit të drejtorëve në ndërmarrjen publike “Kompania Rajonale e Ujësjellësit Hidroregjioni Jugor Sh. A”, Prizren, e prezantoj në këtë përbërje: Ylber Elshani, kryesues; Agim Muçaj, anëtar; Selvete Gjikolli, anëtare; Sylejman Gashi, anëtar”, tha ai./Arbresh.info